ԱՄՆ Կոնգրեսը պիցցան բանջարեղեն է համարում

Ամերիկայի մանկաբույժները մտահոգված են դպրոցահասակ երեխաների ճարպակալման խնդրով, որին նպաստում են պիցցան, տապակած կարտոֆիլը, և մնացած բոլոր այն «ֆաստֆուդերը», որոնցով երեխաներին կերակրում են դպրոցներում:

Խնդրով մտահոգ կազմակերպությունները առաջարկել էին սննդակարգից հանել տապակած կարտոֆիլը, ինչպես նաև պիցցայի կարգավիճակը փոխել, քանի որ այն բանջարեղենային կերակուր չի կարելի համարել:

Սակայն ԱՄՆ Կոնգրեսի կողմից հերթական անգամ մերժվել է սննդի մասին օրենքում փոփոխություններ կատարելու այս առաջարկը:

Ըստ MIGnews-ի` սառեցված սննդամթերքի արտադրողները անչափ գոհ են Կոնգրեսի նման որոշումից: Նոր ստանդարտների ընդունմամբ իրենք ստիպված կլինեին փոխել արտադրվող սննդամթերքի որակը:

Հարցեր, պատասխաններ, մեկնաբանություններ